Bihar ke sabhi pension dhariyo ke liye bahut badi khushkhabri hai. Bihar sarkar ne August 2026 mahine ki Social Security Pension ka paisa jaari kar diya hai. Jiska sabko intezar tha wo paisa ab khate me aa chuka hai.
Mukhyamantri Samrat Choudhary ne 10 September 2026 ko Munger jile se DBT ke madhyam se ek saath 105.68 lakh labharthiyo ke bank khate me paisa bheja hai. Sarkar ne kul milakar 1233.87 crore rupya transfer kiya hai. Is din ko Pension Day ke roop me manaya gaya.
Pehle Bihar me pension sirf 400 rupya milta tha, lekin ab Nitish sarkar ke faisle ke baad ise badhakar 1100 rupya kar diya gaya hai. Is badhotri se Bihar ke 1 crore se zyada bujurg, vidhwa aur viklang logo ko seedha fayda hua hai.
Kaun Kaun Si Pension Ka Paisa Aaya Hai?
Bihar sarkar 3 tarah ki pension deti hai aur teeno ka paisa ek saath bheja gaya hai.
- Mukhyamantri Vridhjan Pension Yojana – 60 saal se upar ke bujurg logo ke liye.
- Laxmibai Social Security Pension Yojana – Vidhwa mahilao ke liye.
- Bihar Viklang Pension Yojana – Divyangjan logo ke liye.
Agar aap in teeno me se kisi bhi yojana ke labharthi hai to aapka August mahine ka 1100 rupya aapke khate me bhej diya gaya hai.
Bihar Pension 1100 August Payment ka Objective kya hai?
Is yojana ka mukhya uddeshya Bihar ke gareeb aur asahay logo ko aarthik sahayata dena hai taki wo apna jivan yapan kar sake. Sarkar chahti hai ki koi bhi bujurg ya vidhwa paiso ke karan pareshan na ho. Isiliye har mahine 10 tarikh ko pension ka paisa DBT se bheja jata hai.
Bihar Pension ka Paisa Kaise Check Kare?
Agar aapka paisa abhi tak khate me nahi aaya hai to aap 3 tariko se check kar sakte hai.
Pehla Tarika – SMS Check Kare. Jab sarkar DBT se paisa bhejti hai to bank ki taraf se aapke mobile number par SMS aata hai. Agar aapka mobile bank se linked hai to aapko 10 September ko Rs 1100 credited ka message aaya hoga.
Dusra Tarika – Bank Passbook Update Karwaye. Aap apne nazdiki bank branch me jaye aur apni passbook ko update karwaye. Usme 10-09-2026 ko DBT / PFMS se 1100 rupya ka entry dikhega.
Teesra Tarika – Online Status Check Kare. Aap ghar baithe online bhi apna status check kar sakte hai.
- Sabse pehle elabharthi.bihar.gov.in website par jaye.
- Home page par Beneficiary Status wale option par click kare.
- Waha apna District, Block aur Beneficiary ID dale. Ya aap Aadhar number se bhi search kar sakte hai.
- Search karne par aapka payment history dikh jayega. Usme August 2026 ke samne Paid likha hoga.
Paisa Nahi Aaya To Kya Kare? Bahut Important
Bahut se logo ka paisa kuch karan se atak jata hai. Agar aapka paisa 10 September ke baad bhi nahi aaya hai to ye kaam jarur kare.
- Aadhar Seeding Jaruri Hai – Aapka Aadhar card aapke bank account se link hona chahiye aur DBT Enable hona chahiye. Bank me jakar boliye ki mera DBT chalu kar dijiye.
- e-Labharthi par Status Check Kare – Kabhi kabhi account number galat hone se paisa fail ho jata hai. Website par aapka status Pending ya Failed dikhayega.
- RTPS Counter par Sampark Kare – Apne Block ke RTPS counter ya Jeevika Didi se mile. Waha apni samsya bataye.
Har Mahine 10 Tarikh Ko Aayega Pension
Bihar sarkar ne ye niyam bana diya hai ki ab se har mahine ki 10 tarikh ko Pension Diwas manaya jayega. Matlab har mahine 10 tarikh ko hi sabhi logo ke khate me 1100 rupya bheja jayega. August ka paisa 10 September ko aaya hai, September ka paisa 10 October ko aayega.
Important Links
Official Website-elabharthi.bihar.gov.in
Helpline Number – Apne Block me sampark kare
Is tarah aap aasani se apna Bihar Pension 1100 August Payment 2026 check kar sakte hai. Agar ye jankari acchi lagi to apne gaon ke sabhi pension dhariyo ke sath share jarur kare.
Team YojanaAdda – yojanaadda.com